Dalan ni Debata

Lot 50 kali gerar Bileam tersurat i Kitab 4 Musa en imo Pasal 22-24. Beor, imo Gerar bapa ni Bileam. Mula i Josua 13:22, Bileam idokken isidi imo sada kalak peramal atau Juru tenung. roh ngo perentah Jahowa taba Bileam asa ulang laus ia rebbak dekket kalak i, tapi laus nola ngo ia, makinsa gabe mleaga Jahowa tabasa.

Jamita : 4 Musa 22:21-34
Sijakaan : 2 Petrus 2:10b-16


I. Pertubenaan


II. Keterangan turpuk
Laus ngo Bileam rebbak kalodena bagima rebbak dekket pengulu-pengulu kalak Moab. Tapi ala oda bage sinidokken ni Debata bana, gabe roh mo malekat ni Debata bana lako mengambatisa merkite mengambati kalodena. Gabe menirpang mo kalodena idi kumernaken i, makinsa ilipat si Bileam kalodena idi. Lot tellu kali kalode na idi menirpang kumernaken malekat Debata janah tellu kalima ipukkul si Bileam kalode na idi. Pellin kalode idi ngo na boi mengidah malekat ni Debata i, janah idokken malekat ingo bahwa Jahowa ngo menuruhsa lako mengambati perdalanen ni kalak idi kumerna meralo dekket kade sinidokken ni Debata. Gabe sanga kiranai kalode idi idokken: kasa ilipat kono aku, sanga tellu kali? Otang kalode tuan i ngo aku? Tapi enggo kessa iidiah si Bileam malekat ni Debata siso niidahna kin, gabe iantusi ia mo kade latar belakang pengelako ni kalodena idi. Menter sujud mi si Beleam mitanoh mersembah taba malekat ni Debata janah sada bahwa oda ikelemoken Debata perdalanenna idi.

III. Renungan
Ipas minggu Epipanias enda, ipetuduh ngo si Bileam mengalo mo perentah ni Debata. Tapi ipetarar Debata ngo idi merkite malekatna na mengambati perdalanen ni Bileam siso nikelemoken Debata barangpe mengambati ulaen si Bileam siso selloh idi kumerna dalan mi kememago ngo idi.
Enmo gabe sipesenget taba kalak na oda nggeut mobah narap dalan siso nikelemoken ate Debata. Nggati ngo icodiken persukuten cerita si Bileam enda lako petuduhken karinana pemakinen ni Debata mi dalan sisellohna (5 Musa 23:5-6, Josua 24:9-10, Mika 6:5, Nehemia 13:2). Bileam menandai dirina janah mengaku ipas kesalahenna. Ipertobaten dekket kemobahen ni ukurna, mulak ngo ia misapona sebagi tanda menguei kata ni Debata ia (ay. 34).
Enteng, mula bagidi ngo penguean ni si Bileam taba Debata kumerna menurimpang ia narap Dalan ni Debata kumerna dalan kememago ngo idi, kita pe sebagai Kalak Kristen sekaligus orang yang berdoas janah sekaligus orang yang sudah dibenarkan oleh Darah Yesus Kristus, asa bali kita idalan siso selloh idi janah merdalan ipas dalan sinipetuduh ni Tuhanta banta gennep asa maluah kita ipas kinimago ni dunia enda. Dak idengani Tuhanta mo kita mendalani ari-arinta gennep. Amen.